கள் குடிப்பது நல்லதல்ல என நிரூபித்தால்
ரூ.10 கோடி தர தயார்
தமிழ்நாடு கள் இயக்கம் அறிவிப்பு
சென்னை:
தமிழ்நாடு கள் இயக்க ஆலோசனை கூட்டம் சென்னையில் நடந்தது. ஒருங்கிணைப்பாளர் நல்லசாமி தலைமை தாங்கினார். அமைப்பாளர்கள் ரவிநயினார், சிதம்பரம், செயலாளர் நைனாமலை, உள்பட பலர் கூட்டத்தில் பங்கேற்றனர்.
இந்த கூட்டத்தில் நிறை வேற்றப்பட்ட தீர்மானங்கள் வருமாறு:–
* மதுக்களை விட கள் குடிப்பது நல்லதல்ல என்று நிரூபித்தால் ரூ.1 கோடி பரிசு வழங்கப்படும் என்று 7 ஆண்டுக்கு முன்பு அறிவிக்கப்பட்டது. காலப் போக்கில் ரூ.5 கோடியாக உயர்த்தப்பட்டது. தற்போது இந்த பரிசு தொகை ரூ.10 கோடியாக உயர்த்தப்படுகிறது.
இது தொடர்பாக அங்கீகரிக்கப்பட்ட அரசியல் கட்சிகளும் அரசு தரப்பும்
விவாதத்தில் பங்கேற்கலாம். இந்த விவாதம் சென்னையில் நடத்தப்படும்.
* கள் இறக்குவதும், பருகுவதும் அரசியல் அமைப்பு சட்டம் மக்களுக்கு கொடுத்து இருக்கும் உணவு தேடும் உரிமையாகும் கள்ளுக்கு எதிரான கட்சிகளுக்கு வரும் தேர்தலில் பாடம் புகட்டுவோம்
0 comments