கோவை போலீஸ் பயிற்சி கல்லூரி மைதானத்தில் ஒத்திகையில் குண்டு வெடிப்பு

கோவை போலீஸ் பயிற்சி கல்லூரி மைதானத்தில் ஒத்திகையில் 

குண்டு வெடிப்பு

கோவை: 

              கோவையில் மத்திய ரிசர்வ் போலீஸ் பயிற்சி கல்லூரியில் நேற்று வெடிகுண்டை செயலிழக்கச் செய்யும் ஒத்திகை நடந்தது. இதில், எதிர்பாராதவிதமாக குண்டு வெடித்து சிதறியதில், பயிற்சியாளர் மற்றும் 7 எஸ்.ஐ.க்கள் படுகாயம் அடைந்தனர்.கோவையை அடுத்த துடியலூர்  அருகே மத்திய ரிசர்வ்  போலீஸ் பயிற்சி கல்லூரி  உள்ளது. 

இந்தியா முழுவதும் மத்திய போலீஸ் இன்ஸ்பெக்டர்கள், சப்& இன்ஸ்பெக்டர்களுக்கு பல்வேறு பயிற்சிகள் அளிக்கப்படுகின்றன. இவற்றில் வெடி குண்டுகளை கண்டு பிடித்து செயலிழக்க செய்தலும் ஒன்று. நேற்று இந்த பயிற்சியில் உதவி சப்& இன்ஸ்பெக்டராக இருந்து சப் இன்ஸ்பெக்டராக பதவி உயர்வு பெற்ற  7  பேர்  பயிற்சியில் ஈடுபட்டனர்.

மண்ணுக்குள் புதைத்து வைத்திருந்த வெடி குண்டை கண்டுபிடித்து அவற்றினை செயலிழக்க செய்யும் பயிற்சியில் சுனில்தத் (43) தலைமையில் 7 சப்& இன்ஸ்பெக்டர்கள் ஈடுபட்டனர்.காலை 11.30 மணியளவில் பயிற்சியில் ஈடுபட்டு கொண்டிருந்த போது எதிர்பாராத விதமாக வெடி குண்டு வெடித்து சிதறியது. குண்டின் துகள்கள் நான்கு புறங்களும் சிதறின.

இதில் பயிற்சியில் ஈடுபட்டிருந்த சப்& இன்ஸ்பெக்டர்கள் கான்பூரை சேர்ந்த சிசுராம்போரா(51), குஜராத்தை சேர்ந்த காந்திலால்(45), உத்தரபிரதேசத்தை சேர்ந்த ஓம்பிரகாஷ்(46), மத்திய பிரதே சத்தை சேர்ந்த பூபதின்ராஜா(51),  ஜம்மு& காஷ்மீரை சேர்ந்த சுக்தேவ் சிங்(51) மேற்கு வங்கத்தை சேர்ந்த அபினாஷ் மெர்மோ(47) ஹரம்ஹத்(48), மற்றும் பயிற்சியாளர்  சுனில்தத் ஆகியோர் காயம் அடைந்தனர்.  

8 பேரும் கோவையிலுள்ள தனியார் மருத்துவமனையில் அனுமதிக்கப்பட்டுள்ளனர். அங்கு அவர்களுக்கு தீவிர சிகிச்சை அளிக்கப்படுகிறது.