ஆர்யாவுடன் ஜோடி சேரும் ஸ்ருதி?
கமல் மகள் ஸ்ருதிஹாசன் சூர்யாவுடன் ‘7–ஆ அறிவு’, தனுஷ் ஜோடியாக ‘3’ படங்களில் நடித்துள்ளார். தற்போது இந்தி, தெலுங்கு படங்களில் நடித்து வருகிறார். நல்ல கதை அமைந்தால் மீண்டும் தமிழ் படங்களில் நடிப்பேன் என்று கூறி வந்தார்.
மகிழ்திரு மேனி இயக்கும் புதிய படத்தில் ஆர்யா ஜோடியாக நடிக்க ஸ்ருதியை அணுகினர். அவரும் இதற்கு ஒப்புக் கொண்டுள்ளதாக கூறப்படுகிறது. மகிழ்திருமேனி ‘தடையற தாக்க’ என்ற படத்தை டைரக்டு செய்தவர். ஆர்யா–ஸ்ருதி ஜோடி சேரும் படத்துக்கு இன்னும் பெயர் வைக்கவில்லை. அனிருத் இசையமைக்கிறார்.
ஆர்யா இப்போது ஜனநாதன் இயக்கும் ‘புறம்போக்கு’ படத்தில் நடித்து வருகிறார். ஸ்ருதிஹாசன் இந்தியில் இரண்டு படங்களிலும் தெலுங்கில் ஒரு படத்திலும் நடித்து வருகிறார். இப்படங்களை முடித்துவிட்டு இருவரும் மகிழ்திருமேனி படத்துக்கு வருகிறார்கள். இந்த படம் தமிழில் தனக்கு நிலையான இடத்தை ஏற்படுத்தி தரும் என்ற நம்பிக்கையில் இருக்கிறார் ஸ்ருதி.
0 comments