இராமநாதபுரம் அரசினர் தொழில் பயிற்சி நிலையத்தில் உதவி தொகையுடன் பயிற்சி : மாணவர்கள் விண்ணப்பிக்க கடைசி நாள் 29-ந்தேதி

இராமநாதபுரம் அரசினர் தொழில் பயிற்சி நிலையத்தில் 

உதவி தொகையுடன் பயிற்சி

மாணவர்கள் விண்ணப்பிக்க கடைசி  நாள் 29-ந்தேதி

இராமநாதபுரம், ஜூன் 21:

அரசினர் தொழில் பயிற்சி நிலையத்தில் உதவித்தொகையுடன் பயிற்சி அளிக்கப்படுகிறது. தகுதியுள்ள மாணவர்கள் விண்ணப்பிக்கலாம். இது குறித்து இராமநாதபுரம் அரசினர் தொழில் பயிற்சி நிலைய முதல்வர் குரு மூர்த்தி வெளியிட்டுள்ள செய்தி குறிப்பில் கூறிஇருப்பதாவது:-

இராமநாதபுரம் அரசினர் தொழில் பயிற்சி நிலையத்தில் வரகிற ஆகஸ்டு மாதத்திற்கான மாணவர்கள் சேர்க்கைக்கு மாவட்ட கலந்தாய்வு விண்ணப்பங்கள் வரவேற்கப்படுகிறது. 

பொதுப்பிரிவில் உள்ள தொழில் பிரிவில் 

பொருத்துனர், 

இயந்திர வரைவாளர், 

வானொலி மற்றும் 

தொலைக்காட்சி மின்னணுவியல் 

ஆகிய பயிற்சி அளிக்கப்படுகிறது. இப்பயிற்சி 2 ஆண்டுகள் அளிக்கப்படும்.

இதற்கான கல்வி தகுதி 10-ம் வகுப்பு தேர்ச்சி பெற்றிருக்க வேண்டும். 

வயர்மேன் பயிற்சிக்கு 8-ம் வகுப்பு வரை படித்திருக்க வேண்டும். 

மகளிருக்கான பிரிவில் டி.டி.பி.ஓ. பயிற்சி அளிக்கப்படுகிறது. இதில் சேர விரும்புவோர் 10-ம் வகுப்பு தேர்ச்சியும், தையல் வேலை பயிற்சிக்கு 8-ம் வகுப்பு தேர்ச்சி பெற்றிருக்க வேண்டும்.

இதற்கு ஓராண்டு பயிற்சியளிக்கப்படும். இப்பயிற்சியில் சேருபவர்களுக்கு 14 வயது பூர்த்தியாகி இருக்க வேண்டும். தொழில் பயிற்சி நிலையத்தில் பயிலும் மாணவ- மாணவிகளுக்கு மாதம் ரூ.500 உதவித்தொகை வழங்கப்படும்.

 மேலும் கம்ப்யூட்டர், சைக்கிள், இலவச பஸ் பாஸ் வழங்கப்படும். மற்றும் சீருடை, காலனியும் வழங்கப்படுகிறது.

பூர்த்தி செய்த விண்ணப் பங்கள் வந்து சேர வேண்டிய கடைசி நாள் 29-ந்தேதியாகும். முதல்வர், அரசினர் தொழிற் பயிற்சி நிலையம், இராமநாதபுரம் என்ற முகவரிக்கு அனுப்பலாம். மேலும் விபரங்கள் அறிய விரும்புவோர் 04567-231214 என்ற தொலைபேசியில் தொடர்பு கொண்டு தெரிந்து கொள்ளலாம்.

இவ்வாறு அவர் கூறியுள்ளார்.