ராமநாதபுரத்தில் ஓடும் பஸ்சில் பெண்ணிடம் 12 பவுன் நகை திருட்டு

ராமநாதபுரத்தில் ஓடும் பஸ்சில் பெண்ணிடம் 12 பவுன் நகை திருட்டு: போலீசில் புகார்

ராமநாதபுரம், மே 18:

                                            ராமநாதபுரம் மாவட்டம் பட்டினம்காத்தான் அருகே உள்ள ஆத்மநாதசுவாமி நகரைச் சேர்ந்தவர் ரத்தின பாண்டியன். இவரது மனைவி விஜயராணி (வயது35). இவர், மதுரை சென்று விட்டு ராமநாதபுரம் பாரதிநகர் பஸ் நிறுத்தம் வந்து இறங்கினார். அங்கிருந்து டவுன் பஸ்சில் சென்றபோது விஜயராணி வைத்திருந்த நகைப்பையை யாரோ ஜேப்படி செய்து விட்டனர்.

பஸ்சில் இருந்து இறங்கியதும் நகைப்பையை காணாதது கண்டு அவர் அதிர்ச்சி அடைந்தார். அந்த பர்சுக்குள் 4 1/2 பவுன் தங்க அரை சங்கிலி, 7 1/2 பவுன் டாலர் செயின், 2 கிராம் தோடு ஆகியவை வைத்திருந்ததாக கேணிக்கரை போலீசில் விஜயராணி புகார் செய்தார். அதன்பேரில் இன்ஸ்பெக்டர் கிருஷ்ணமூர்த்தி வழக்குப் பதிவு செய்து விசாரணை நடத்தி வருகிறார்.